Размер шрифта: A A A Изображения Выключить Включить Цвет сайта Ц Ц Ц Х
Главная » 2018 » Март » 15 » Сунтаар саамай кэрэ куотун аата билиннэ
20:02
Сунтаар саамай кэрэ куотун аата билиннэ

"Мисс Сунтар -2018" бырайыак ааптара: «Партизан» култуура киинин испэсэлииһэ Туяра Прокопьева. Күрэххэ Сунтаарбыт сэттэ кыталык куолара күөн көрүстүлэр: Надежда Анисимова, Сардаана Сметанина, Динара Павлова, Сардаана Пахомова, Аделина Николаева, Камелия Прокопьева, Лия Александрова.

Аан маҥнай күрэх аһыллыытыгар кыргыттар сааһы уобарастыыр истииллээх былааччыйалаах  долгуннура устан хааман, истиҥ мичээрдэринэн бу дьоро киэһэ бырааһынньыктааҕы настырыанньатын олохтообуттара. Маҥнайгы түһүмэххэ кыттааччылар бэйэлэрин билиһиннэрбиттэрэ.  Иккис түһүмэххэ кыргыттар талба талааннарын, дьоҕурдарын, сөбүлүүр дьарыктарын көрдөрөн, көрөөччүлэри сөхтөрдүлэр. Ордук Сардаана Сметанина «Стиляга» уонна Камелия Прокопьева “Ангел” үҥкүүлэринэн дьон сүрэҕин сүүйдүлэр. Ол кэннэ дьыалабыай истиилинэн тахсыы, тургутук ыйытыктарга эппиэттээһин уонна киэһээҥҥи былааччыйанан дефиленэн түмүктэммитэ. Кыттааччы куоларбыт бииртэн биир кэрэлэр, нарыннар, дьоҕурдаахтар. Үрдүк сыанаҕа тутта-хапта сылдьаллара, саҥалара-иҥэлэрэ сааһылааҕа хайҕабыллаах уонна бу тэрээһин үрдүк таһымнаахтык ааһарыгар олук буолла.

Күрэҕи «Пульс», “Айыллыы”, “Жасмин”, “Нарыйа” үҥкүү ансаамбыллара, “Мозаика”, «Хатыҥчаана» ырыа ансаамбыллара, «АйКуо» муода устуудьуйата Таня Аммосова «Этноджинс» коллекциятын көрдөрүүлэрэ, Егор Музарбаев, Роланд Слепцов уо.д.а. чаҕылхай нүөмэрдэринэн киэргэттилэр.

Г.А.Самойлова бэрэссэдээтэллээх дьүүллүүр сүбэ биир сөбүлэҥҥэ киирэн, бу курдук түмүк таҕыста: «Мисс Грация – 2018» анал аат - Аделина Николаева, «Мисс  Очарование – 2018» - Надежда Анисимова, «Мисс Талант – 2018» - Сардаана Пахомова, «Мисс Интеллект – 2018» - Лия Александрова. Маны таһынан, Интернет нөҥүө куоластааһын ыытыллыбыта. Манна 566 киһи кытынна. Онно бастаан,  «Мисс Интернет симпатия – 2018» анал ааты ылла Динара Павлова (Сунтаар №1 оскуолатын 11 "б" кылаас уерэнээччитэ) . Камелия Прокопьева «Вице-мисс Сунтар – 2018» буолла (Сунтаар №1 оскуолатын 11 "а" кылаас уерэнээччитэ). Оттон «Мисс Сунтар – 2018» күрэх кыайыылаҕын үрдүк  аатын Сунтаардааҕы гимназия туйгун үөрэнээччитэ Сардаана Сметанина ылла. Кыргытттар бары сыаналаах косметикаларынан, үрүҥ көмүстэринэн о.д.а. наҕараадаланнылар. Кыайыылаахха, ону таһынан,  «Анастасия” меховой салонтан күндү түүлээхтэн модельнай сэлиэт кэтэрдилиннэ.

 

Категория: новости школы | Просмотров: 328 | Добавил: suntar1 | Рейтинг: 0.0/0
Всего комментариев: 0
Имя *:
Email *:
Код *: